اسرة النور تهنئ طلاب كلية الحقوق وادارة الكلية .. وتتمنى ان تشاهد انشطة الاتحاد وباقى الاسر

من موقع كل الطلبة

فى حوار اجرينها مع مقرر اسرة النور فى بداية الترم الجديد
يهنئ المقرر طلاب الكلية وادارة الكلية , ويتمنى ان يلاقى نشاط اسرة النور قبول لدى الطلاب وان يكون هذا النشاط قد اضاف لهم وعاد عليهم بالفائدة
كما تمنى المقرر ان تتعاون الادارة معهم فى سبيل توصيل انشطتهم الى كل الطلاب , وان يكون نشاطهم خطوة فى سبيل تطوير الجامعة .. وان لا يعرقل الروتين الادارى انشطتهم , كما عرقلها لمدة ترم فى تاخر قرار قبول الاسرة
ويتمنى ان يشاهد نشاط الاتحاد كما كان عليه فى الترم الاول وان لا يتكاسل هذا الترم
وتمنى ايضا ان يشاهد انشطة باقى الاسر المسجلة فى الجامعة .. وان يتعاون الجميع من اجل جامعة افضل

التعليق : دا كان الحوار اللى اجاره الموقع مع مقرر الاسرة

وبجد نفسنا ان الادارة تتعاون بجد وان نظام الروتين دا مش هينفع

مش هينفع ننتظر قبل كل عمل موافقة والموافقة لازم تعدى على كل الموظفين وعلى امن الدولة والكلام دا

ونفسنا نشوف شغل الاتحاد زى ما كان الترم الاول

ولا نفهم ان شغل الاتحاد ما كان الا لمواجهة طلاب الاخوان المسلمون

وبعد ما انشأو اسرة خلاص مفيش داعى من هذه المواجهة قالو نشوف حاجة تانية نعملها

منتظرين شغل الاتحاد ومنتظرين ان روتين الادارة يسرع .. فى سبيل جامعة افضل

دى صورة للاتحاد هذا الترم .. واللى مش مصدق ممكن يتاكد بنفسو

مش بننكر ان ليهم دور هذا الترم ولكن ليس كبداية العام